Alistair Overeem mætir Stipe Miocic á laugardaginn á UFC 203. Bardaginn fer fram í heimaborg Miocic og á hann dygga aðdáendur þar eins og Overeem fékk að upplifa.
Opna æfingin fyrir UFC 203 fór fram fyrr í vikunni og var einn æstur Stipe Miocic aðdáandi hrópandi að Overeem á meðan Hollendingurinn æfði. Overeem tók þó bara vel í þetta og hló. Eftir að viðtölunum og æfingunni lauk heilsaði hann upp á aðdáandann háværa.
Þeir Alistair Overeem og Stipe Miocic berjast um þungavigtartitilinn á morgun en þetta verður fyrsta titilvörn Stipe Miocic.
