Ótrúlegt rothögg leit dagsins ljós í Muay Thai bardaga í maí. Þeir Dorian Price og Jonathan Lecat mættust á Max Muay Thai viðburðinum í Tælandi og endaði bardaginn á ótrúlegan hátt.
Dorian Price hefur átt langan feril í Muay Thai og MMA en hann var meðal annars í 6. seríu TUF. Hann mætti Frakkanum Jonathan Lecat í 167 punda bardaga.
Jonathan Lecat þjarmaði að Price er sá síðarnefndi var vankaður. Þegar Lecat elti Price smellhittu þeir báðir í hvorn annan með þeim afleiðingum að þeir féllu niður. Price var hins vegar fær um að standa upp á meðan Lecat gat það ekki. Price sigraði því eftir ótrúlegt rothögg.
