Frumraun Sage Northcutt í ONE Champhionship fór ekki eins og hann vonaðist eftir. Northcutt var rotaður eftir aðeins 29 sekúndur.
Sage Northcutt hlaut mikla athygli þegar hann kom fyrst inn í UFC. Eftir sex sigra og tvö töp í UFC ákvað hann að söðla um og semja við ONE Championship í Asíu.
Northcutt barðist sinn fyrsta bardaga hjá nýjum vinnuveitendum í dag þar sem hann mætti Cosmo Alexandre. Alexandre er með hátt í 90 bardaga í sparkboxi og var 7-1 í MMA fyrir bardagann en hafði ekki barist í MMA í tæp þrjú ár.
Alexandre smellhitti á Northcutt eftir aðeins 29 sekúndur. Þetta er fyrsta tap Northcutt eftir rothögg á ferlinum og er núna 11-3 sem atvinnumaður.
JUST. LIKE. THAT! Cosmo Alexandre knocks out Sage Northcutt 29 seconds into the first round ? @CosmoAlexandre #WeAreONE #EnterTheDragon #Singapore #MartialArts pic.twitter.com/Nh32Z1LNjU
— ONE Championship (@ONEChampionship) May 17, 2019
