Diego Sanchez hefur lengi verið þekktur fyrir furðuleg ummæli og viðtöl. Á fjölmiðladeginum í gær var hann svo sannarlega ekki orðlaus.
Hinn 37 ára gamli Sanchez mætir Michael Chiesa á UFC 239 annað kvöld. Ariel Helwani tók Sanchez í langt viðtal þar sem Sanchez lét gamminn geisa.
Sanchez sagði að hann væri ekki útbrunninn og ætlar að verða veltivigtarmeistari. Sanchez segist vera jedi og hann spái mikið í „anti-aging“ aðferðum sem munu vinna með honum á leiðinni að beltinu.
Sanchez hefur yfirgefið Jackson-Winkeljohn liðið og er núna með bara einn þjálfara, Josh Fabia. Sá hefur aldrei þjálfað bardagamann í UFC áður en Sanchez sagðist alltaf hugsa út fyrir kassann og tók skyndilega upp lítin kassa.
Sanchez var ósáttur við þá Greg Jackson og Mike Winkeljohn, fyrrum þjálfara sína, þar sem þeir sinntu sér ekki nógu vel að sínu mati. Sanchez heyrði lítið frá þjálfurum sínum og kaus því að yfirgefa Jackson-Winkeljohn.
Viðtalið er rúmar 17 mínútur og spyr Helwani örfárra spurninga á meðan Sanchez talar endalaust.
