Fyrrum bantamvigtarmeistari UFC, T.J. Dillashaw, skellti sér nýverið á æfingu með boxaranum Vasyl Lomachenko. Þeir Dillashaw og Lomachenko tóku box sparr og má sjá brot af því hér.
Vasyl Lomachenko er einn besti boxari heims í dag en hann er 126 punda WBO fjaðurvigtarmeistari. Lomachenko er 7-1 sem atvinnumaður eftir að hafa tekið gull á Ólympíuleikunum 2008 og 2012. Lomachenko mætir Jason Sosa þann 8. apríl.
Dillashaw þekkja flestir en hann er einn sá allra tæknilegasti standandi í MMA heiminum í dag. Dillashaw mætir Cody Garbrandt um bantamvigtartitilinn í sumar.
