Allt bendir til þess að næsta titilvörn veltivigtarmeistarans Tyron Woodley verði gegn Demian Maia. Til þess að undirbúa sig fyrir Maia hefur Woodley verið að æfa með bakpoka.
Demian Maia er einn besti gólfglímumaður heims og er afskaplega flinkur í að taka bak andstæðinganna. Mörgum gólfglímumönnum sem eru snjallir að taka bakið er oft líkt við bakpoka og er Maia engin undantekning á því. Til að undirbúa sig fyrir Maia hefur Woodley brugðið á það ráð að æfa með sérstakan bakpoka.
Þennan nýja æfingafélaga fékk Woodley í gjöf frá UFC-lýsandanum Brian Stann.
