Skoski bardagamaðurinn Paul Craig hefur lagt hanskana á hilluna eftir dramatískt tap á UFC bardagakvöldinu í París um helgina. Craig mætti Litháanum Modestas Bukauskas og varð fyrir óvæntu olnbogahöggi seint í fyrstu lotu sem endaði bardagann skyndilega.
Craig, sem hefur barist í UFC síðan árið 2016, hefur lengi verið einn þekktasti bardagamaður Skotlands. Hann hefur unnið marga eftirminnilega sigra með uppgjafartökum og verið vinsæll fyrir baráttuhjarta og óhefðbundinn stíl.
Eftir tapið í París tilkynnti hann að ferlinum væri lokið. „Ég hef gefið þessu allt sem ég átti. Nú er kominn tími til að stíga frá,“ sagði Craig í viðtali eftir bardagann.
Eftir bardagann lýsti Craig yfir að tíminn væri kominn: „Ungir éta þá gömlu og ég er orðinn gamall,“ sagði hann og bætti við að hann væri sáttur við að ljúka ferlinum á þessum tímapunkti.
Það hafði ekki gengið vel hjá Craig í seinni tíð en fyrir utan no contest í næst síðasta bardaganum tapaði hann fjórum í röð og hafði ekki unnið bardaga í UFC síðan 2023 gegn Andre Muniz.
Ferill Paul Craig í tölum:
- Heildartölur: 17 sigrar – 10 töp – 1 jafntefli
- Uppgjafartakssigrar í UFC: 6 (flestir í sögu léttþungavigtar)
- Þekktustu sigrar: Mauricio “Shogun” Rua, Jamahal Hill, Magomed Ankalaev
- Keppnisár í UFC: 2016–2025
Craig skilur eftir sig feril þar sem hann barðist gegn bestu bardagamönnum léttþunga- og millivigtarflokksins. Hans á eftir að vera minnst sem baráttuglaðs íþróttamanns sem gerði draum margra skoskra aðdáenda að veruleika.
