Eins og flestum áhugamönnum um MMA ætti að vera kunnugt um er Rafael dos Anjos meiddur og getur ekki mætt Conor McGregor á UFC 196. Dos Anjos ristarbrotnaði á föstudaginn.
Samkvæmt blaðamanninum Josh Gross ristarbrotnaði léttvigtarmeistarinn Rafael dos Anjos á föstudaginn. Dos Anjos sparkaði í hné æfingafélaga síns í „sparri“ og ristarbrotnaði í kjölfarið.
Rafael dos Anjos var gríðarlega svekktur þegar í ljós kom að hann gæti ekki barist. Þetta hefði verið lang stærsti bardagi hans á ferlinum og var ákvörðunin (að bakka út úr bardaganum) mjög erfið fyrir dos Anjos.
Confirmed with @kings_mma that RDA broke his foot during a sparring session on Friday. RDA kicked his partner’s knee and that was that.
— Josh Gross (@yay_yee) February 23, 2016
