Um næstu helgi mun Rousimar Palhares stíga inn í búrið á ný. Í þetta skiptið mun hann berjast við Steve Carl, veltivigtarmeistara WSOF um titilinn í aðalbardaga kvöldins á WSOF 9 í Las Vegas 29. mars.
Palhares var á sínum tíma rekinn úr UFC eftir að hafa ítrekað gerst sekur um óíþróttamannslega hegðun og furðulega framkomu. Nánar má lesa um það hér og hér.
Sigri Palhares mun hann mæta UFC kempunni John Fitch sem er einnig á mála hjá WSOF. Yushin Okami, annar fyrrum UFC bardagamaður mun einnig þreyta frumraun sína hjá WSOF á laugardaginn eftir viku.
Eftir að Palhares var rekinn úr UFC var búist við honum í glímubardaga gegn Mjölnisvininum og fótalásasérfræðingnum Dean Lister. Palhares þurfti þó að afboða sig sökum meiðsla. Hann er þó greinilega búinn að jafna sig og ætlar sér að koma af miklum krafti inn í WSOF.
