Box goðsögnin Roy Jones Jr. sendi Kolbeini Kristinssyni skilaboð fyrir komandi bardaga. Kolbeinn berst á stóru bardagakvöldi í Danmörku þann 4. júní.
„What up Kolli the icebear,“ sagði sjálfur Roy Jones Jr. í sérstakri kveðju til Kolbeins.
Roy Jones Jr. er einn allra besti boxari sögunnar. Guðjón Vilhelm, umboðsmaður Kolbeins, fékk Jones til að senda Kolbeini nokkur hvatningarorð en þeir Guðjón og Jones eru meðal gesta á ráðstefnu í Peking um þessar mundir.
Á opinberri Facebook síðu sinni kveðst Kolbeinn vera hæst ánægður með kveðjuna enda Jones einn af hans uppáhalds boxurum. Kolbeinn mætir Dananum Kim Thomsen í Danmörku þann 4. júní í hans stærsta bardaga hingað til.
Kveðjuna má sjá hér að neðan.
