Eins og áður hefur komið fram var MMA loksins lögleitt í New York í gær. Andstæðingar lagafrumvarpsins voru með ansi skrautlegar ræður í gær á þinginu en hér má sjá þær skrautlegustu.
Daniel O’Donnell er bróðir sjónvarpskonunnar Rosie O’Donnell og hefur gert mikið fyrir samkynhneigða í New York. Í ræðu sinni í gær líkti hann MMA við hommaklám með öðruvísi endi. Þá hafði hann áhyggjur af fjárhættuspilum og hvort úrslit bardagans séu fyrirfram ákveðin í veðmálabraski. Máli sínu til stuðnings vísaði hann í fáranleg ummæli fyrrum fjölbragðaglímukappa sem hefur sjálfur minni þekkingu á MMA heldur O’Donnell.
Deborah Glick hélt að MMA væri stundað án hanska og svaraði gríni á Twitter í pontunni án þess að vita að um grín væri að ræða. Glick talaði í um tíu mínútur án þess að vita nokkuð um MMA sem er nokkuð magnað.
Charles Barron vildi líkja MMA við þegar þrælum var hent saman í búr á sínum tíma enda fer MMA fram í búri. Honum fannst einnig ótrúlegt að hægt sé að berjast í gólfinu enda er það ekki heiðusmannalegt að hans mati. Hann ætti kannski að sjá MMA bardaga með Gunnari Nelson, Brian Ortega, Demian Maia eða öðrum góðum glímumönnum til að skilja betur MMA.
NYS Assembly Idiots (attempt 4) pic.twitter.com/mUlkhY21dZ
— caposa (@GrabakaHitman) March 23, 2016
