Twitter stríðið á milli Conor McGregor og Khabib Nurmagomedov er orðið ansi ljótt. Báðir hafa farið langt yfir strikið síðustu daga í garðs hvors annars á samfélagsmiðlum.
Þeir Conor McGregor og Khabib Nurmagomedov skildu svo sannarlega ekki sáttir eftir bardaga þeirra í fyrra. Eftir sigur Khabib hafa þeir átt í orðaskiptum á samfélagsmiðlum sem hafa ekki beint verið jákvæð.
Nú virðast orðaskiptin vera að ná nýjum hæðum (eða lægðum eftir því hvernig horft er á þetta) og hafa færst í aukana.
Conor McGregor lýsti því nýlega yfir á Twitter að hann væri hættur í MMA. Hann hefur þrátt fyrir það verið duglegur á Twitter síðustu vikur og spurði Khabib hvort Conor væri byrjaður á nýjum ferli á Twitter.
@TheNotoriousMMA money comes and goes, the honor that you lost that evening will never return, live with it.
Finish career in mma, but start career on twitter? #twitterWarrior— khabib nurmagomedov (@TeamKhabib) March 31, 2019
Don’t be scared of the rematch you little scurrying rat.
You will do what you are told like you always do.— Conor McGregor (@TheNotoriousMMA) April 3, 2019
Eftir það skiptust þeir á hefðbundnum svörum en Conor fór síðan yfir strikið þegar hann birti myndir úr brúðkaupi Khabib og sagði Khabib hafa gifst handklæði. Conor eyddi færslunni nokkrum klukkstundum síðar.
Hann fylgdi því svo eftir með því að birta mynd af Khabib ásamt þeim Zubaira Tukhugov og Ruslan Magomedov. Báðir hafa þeir fengið bann frá USADA fyrir fall á lyfjaprófi en í vikunni fékk Magomedov lífstíðarbann frá USADA eftir sitt þriðja brot.
Wow another dagestani caught abusing steroids.
That’s 2 out of 3 in this picture busted for steroid abuse, with the most recent being busted 3 times in a row and now hit with a lifetime ban.
Excellent job @JeffNovitzkyUFC.
The only vice that cannot be forgiven is hypocrisy. pic.twitter.com/Lc9Ke0b8dp— Conor McGregor (@TheNotoriousMMA) April 3, 2019
Nokkrum klukkustundum síðar fór Khabib yfir strikið þegar hann kallaði Conor nauðgara. Khabib birti mynd af Conor ásamt Terri Murray sem hefur haldið því fram í fjölmiðlum að Conor sé barnsfaðir hennar. Conor er sakaður um nauðgun í Dublin en málið er í rannsókn.
Rapist, you are Rapist.
You are a hypocrite who is not responsible for your actions. Justice will find you.
We will see.@TheNotoriousMMA pic.twitter.com/317rLK5TVN— khabib nurmagomedov (@TeamKhabib) April 3, 2019
Þessi orðaskipti urðu til þess að Dana White, forseti UFC, sendi frá sér yfirlýsingu. „Ég veit af orðaskiptunum á samfélagsmiðlum á milli Khabib Nurmagomedov og Conor McGregor. Þetta er orðið óásættanlegt. Við höfum því haft samband við bæði liðin og munum við leysa málin með þeim,“ sagði Dana.
Conor á þessa stundina síðasta orðið þar sem hann vísaði í fyrri mynd úr brúðkaupi Khabib.
Plot twist: It’s a goat under that towel
— Conor McGregor (@TheNotoriousMMA) April 3, 2019
Rígurinn á milli Khabib og Conor hefur lengi verið mikill en þessi orðaskipti eru ákveðinn lágpunktur þar sem báðir fara yfir strikið.
