Skrípaleikurinn hjá Gabi Garcia hélt áfram í gær þegar hún barðist sinn fjórða bardaga í Rizin FF í Japan. Garcia mætti þá hinni 49 ára Yumiko Hotta og var ekki lengi að klára þetta.
Gabi Garcia er ein besta glímukona allra tíma og hefur snúið sér að MMA. Hún er vel yfir 90 kg og er erfitt fyrir Rizin að finna konur í hennar stærð. Rizin hefur því verið að reyna að finna bara einhverjar konur til að mæta Gabi.
Upphaflega átti Gabi að mæta 52 ára glímukonu en Rizin ákvað að finna einhverja aðeins yngri. Hin 49 ára Hotta kom því í staðin en hún er fyrrum fjölbragðaglímukona í Japan.
Hotta hafði fyrir bardagann barist níu bardaga í MMA en aðeins barist einn bardaga á síðustu 16 árum. Það er óhætt að segja að bardaginn í gær hafi verið algjör skrípaleikur. Fyrir það fyrsta var Gabi tæpum 20 kg þyngri en Hotta og mikill stærðarmunur á þeim tveim.
Skrípaleikinn, sem varla er hægt að kalla MMA bardaga, má sjá hér að neðan.
Gabi Garcia vs. Yumiko Hotta pic.twitter.com/gR0VWP28mc
— Bestrafer7 (@Bestrafer7) December 31, 2016
