Michael Bisping og Dan Henderson berjast í aðalbardaganum á UFC 204 á laugardaginn. Yngri sonur Bisping telur að Dan Henderson muni rota pabba sinn aftur.
Þetta verður fyrsta titilvörn Michael Bisping eftir að hafa tekið beltið af Luke Rockhold í júní. Bisping mun reyna að hefna fyrir sitt versta tap á ferlinum en Dan Henderson steinrotaði hann á UFC 100.
Í nýjasta Embedded þættinum fyrir UFC 204 má sjá yngri son Bisping, Callum Bisping, spá Dan Henderson sigri með rothöggi líkt og í fyrra skiptið. Hann veðjaði líka á að Luke Rockhold myndi vinna pabba sinn.
