UFC er að setja saman skemmtilegan bardaga í desember. Samkvæmt ESPN munu þeir Stephen Thompson og Geoff Neal mætast þann 19. desember.
Síðasta bardagakvölds ársins 2020 hjá UFC fer fram þann 19. desember. Í aðalbardaga kvöldsins mætast þeir Leon Edwards og Khamzat Chimaev en nú hefur UFC bætt öðrum stórum bardaga á kvöldið.
Stephen ‘Wonderboy’ Thompson hefur ekki barist á þessu ári en við sáum hann síðast vinna Vicente Luque í nóvember 2019. Thompson er 2-2 í síðustu fjórum bardögum sínum en hann var lengi orðaður við bardaga gegn Leon Edwards.
Geoff Neal er einn sá mest spennandi í veltivigtinni í dag. Neal er 5-0 í UFC en hann hefur heldur ekki barist á þessu ári. Síðast sáum við hann klára Mike Perry með rothöggi í 1. lotu. Neal átti að mæta Neil Magny fyrr á árinu en þurfti að draga sig úr bardaganum vegna meiðsla.
