UFC hefur rekið sinn þekktasta skoðunarmann (e. cutman) vegna ummæla hans um Reebok samninginn. Jacob ‘Stitch’ Duran var afar virtur í bransanum og ríkir mikil óánægja með þessa ákvörðun UFC.
Stitch hefur unnið sem skoðunarmaður í UFC frá 2001. Skoðunarmenn eru ráðnir af UFC til að gera að sárum bardagamanna milli lotna. Þeir bera ábyrgð á því að stöðva blóðnasir, minnka bólgu og stoppa blæðingu úr skurðum í MMA, boxi og sparkboxi. Þessi sár geta gert það að verkum að bardaginn verði stöðvaður snemma og því vilja margir bardagamenn hafa góðan skoðunarmann í horninu sínu til að gera að minniháttar sárum á borð við blóðnasir.
Til að mynda bað millivigtarmeistarinn Chris Weidman alltaf sérstaklega um Stitch. Hann sá einnig um að vefja hendur Weidman fyrir bardaga og er Stitch einn sá virtasti og reynslumesti í bransanum.
Sooo disappointed to hear about @StitchDuran !! He’s the man and was my go to guy. Wrapped me for all my championship fights!
— Chris Weidman (@ChrisWeidmanUFC) July 22, 2015
Ummæli hans um Reebok samning UFC vöktu ekki mikla ánægju hjá bardagasamtökunum. Stitch og fleiri skoðunarmenn báru auglýsingar á vesti sínu og fengu mánaðarlegar greiðslur frá styrktaraðilum. Eftir að Reebok kom til skjalanna misstu þeir styrktarsamningana og fengu ekkert í staðinn. Í viðtalinu talaði Stitch um að hann gæti þurft að vinna meira í boxi til að vinna upp á móti tekjutapinu frá styrktaraðilunum. Í boxinu fær hann betur borgað af þekktustu boxurunum.
Stitch á þó ekki eftir að sitja á auðum höndum. Hann hefur alltaf verið skoðunarmaður boxarans Wladimir Klitschko og mun sennilega fá símtal frá Bellator innan skamms auk fleirri tækifæra í boxheiminum. Hann naut þess þó að vinna í UFC með keppendunum og á eftir að sakna starfsins síns í UFC. Hann sendi þó UFC kaldar kveðjur og þá sérstaklega Dana White, forseta UFC.
Miðað við viðbrögðin á Twitter eru margir ósáttir við þessa ákvörðun UFC.
Soooo we the fighters are assed out because @StitchDuran spoke his mind? Smfh when one door closes another opens. Much respect to you Stitch
— Anthony Johnson (@Anthony_Rumble) July 22, 2015
There is only one man I want wrapping my hands and handling my corner in the @ufc That is @StitchDuran best cut-man in the business.
— Tim Kennedy (@TimKennedyMMA) July 22, 2015
Hey @StitchDuran THANK YOU for not being afraid to speak the TRUTH. And THANKS for helping to keep ME in my fights. @UFC AND @Reebok yikes.
— Nathan Quarry (@NateRockQuarry) July 22, 2015
So sad 2 see this happen. @StitchDuran is a great and proud man & I love him to death. He’s the best of the best https://t.co/pQBO2K9L00
— Big John McCarthy (@JohnMcCarthyMMA) July 22, 2015
 vegna ummæla hans um Reebok samninginn. Jacob 'Stitch' Duran var afar virtur í bransanum og ríkir mikil óánægja með þessa ákvörðun UFC.){kind=link}