T.J. Dillashaw er búinn að ná 125 punda mörkunum fyrir titilbardaga sinn gegn Henry Cejudo á morgun. Miklar efasemdir voru um hvort T.J. Dillashaw gæti náð 125 punda fluguvigtartakmarkinu en þær eru nú úr sögunni.
Dillashaw er ríkjandi bantamvigtarmeistari (135 pund) og var að fara niður í fluguvigt í fyrsta sinn. Hann var einn af þeim fyrstu til að mæta í formlega vigtuninni í morgun á hótelinu í New York.
Dillashaw var 124,8 pund og verður áhugavert að sjá hvernig hann verður í bardaganum á morgun.
“For all you f*****g doubters out there.”
? @TJDillashaw – 124.6 #UFCBrooklyn pic.twitter.com/tZ1JZBNSU9
— UFC (@ufc) January 18, 2019
Þegar þetta er skrifað á Henry Cejudo enn eftir að vigta sig inn en hann hefur áður átt í erfiðleikum með að ná vigt þó langt sé liðið síðan hann klikkaði síðast.
*UPPFÆRT*
Henry Cejudo er einnig búinn að ná vigt. Cejudo var 124,4 pund og því fátt sem kemur í veg fyrir titilbardagann á morgun.
Championship weight!
? @HenryCejudo – 124.4 #UFCBrooklyn pic.twitter.com/DpAd0tV25y
— UFC (@ufc) January 18, 2019
