23. þáttur Tappvarpsins er kominn á veraldarvefinn. Í þættinum ræddum við um Rondu Rousey eftir árs fjarveru hennar frá MMA, UFC 206 sem fer fram um helgina og margt fleira.
Ronda Rousey mætir Amöndu Nunes á UFC 207 í lok desember en hún hefur lítið sést eftir tapið gegn Holly Holm í fyrra. Við fórum aðeins yfir fjarveru hennar og hvernig endurkoma hennar verði.
UFC 206 fer fram um helgina þar sem Anthony Pettis og Max Holloway mætast um bráðabirgðartitilinn í fjaðurvigtinni. Við fórum vel yfir bardagakvöldið og hvenær UFC eigi að nota bráðabirgðarbelti og hvenær ekki.
