UFC 240 fer fram um helgina þar sem Max Holloway mætir Frankie Edgar í aðalbardaga kvöldsins. Við hituðum því vel upp fyrir bardagakvöldið en fórum einnig aðeins yfir sigur Leon Edwards um síðustu helgi á Rafael dos Anjos.
Tappvarpið er komið í Viftuna en Viftan er hlaðvarpsmiðstöð fyrir íþrótta- og afþreyingarþætti. Pétur Marinó og Óskar Örn fóru yfir UFC 240 í nýjasta Tappvarpinu.
Max Holloway snýr aftur í fjaðurvigt eftir léttvigtarbardaga sinn gegn Dustin Poirier í apríl. Holloway tapaði í fyrsta sinn síðan 2013 þegar Poirier sigraði hann og fer hann nú aftur í fjaðurvigt til að verja beltið.
Leon Edwards sigraði Rafael dos Anjos eftir dómaraákvörðun um síðustu helgi. Edwards er á magnaðri átta bardaga sigurgöngu en er aftur á móti ekki sá vinsælasti í veltivigtinni í dag. Edwards þarf því sennilega að gera meira til að fá titilbardaga eins og rætt var um í Tappvarpinu.
Þáttinn má hlusta á í heild sinni hér að neðan:
