UFC Noche hófst hálf 12 í gærkvöldi með bardaga milli Raul Rosas jr. og Aoriqileng. Það var eitt og annað skemmtilegt á þessu kvöldi. The Sphere var virkilega flott og bauð upp á flotta grafík og upplifun, bardagafatnaðurinn var vel heppnaður og mexíkósku hringstelpurnar voru skemmtileg viðbót.
En það voru nokkur moment sem fengu áhorfendur heima í stofu og í sal til þess að gapa, tryllast og peppast.
1. Joshua Van gegn Edgar Cháirez
Joshuan Van fékk lítinn tíma til að undirbúa sig fyrir bardagann og snéri til baka í búrið í nótt eftir tap Charles Johnson fyrr í sumar. Cháirez virtist ætla að vinna bardagann þægilega, þangað til hann var bara allt í einu ekki að vinna hann þægilega. Þú munt ekki sjá eftir því að horfa á þennan bardaga í endursýningu.
2. Ketlen Souza gegn Yazmin Jauregui
Þessi krókur og þetta uppgjafartak! Souza á 50 K skilið.
3. Manuel Torres gegn Ignacio Bahamondes
Þetta var aldrei spurning. Ignacia Bahamondes byrjaði snemma að sýna yfirburði í standandi og þá sérstaklega með spörkunum sínum. Torres sýndi hörku og lét ekki skófla sér úr hringnum án þess að bíta á jaxlinn. En Bahamondes var bara nokkrum númerum of stór.
4. Arene Aldana gegn Norma Dumont
Holy Halalúlu Noche! Þetta er ekki hægt! þessi bardagi, þessi vilji og þessi skurður!!! Virðist hafa komið til eftir að þær skullu saman.
