Gunnar Nelson mætir Gilbert Burns á UFC bardagakvöldinu í Kaupmannahöfn á laugardaginn. Gunnar kíkti á æfingu með Nicolas Dalby á miðvikudagskvöldið.
Videoblogg Mjölnis fyrir bardaga Gunnars sýnir bakvið tjöldin í aðdraganda bardagans hjá Gunnari gegn Burns. Gunnar kom til Danmerkur á þriðjudaginn og tók létta æfingu um kvöldið. Á miðvikudaginn þurfti Gunnar að gegna hinum ýmsu fjölmiðlaskyldum en fór svo á æfingu hjá Rumble Sports ásamt Dananum Nicolas Dalby.
Dalby mætir Alex ‘Cowboy’ Oliveira en Gunnar sigraði Oliveira í desember í fyrra og fékk Dalby nokkur góð ráð frá Gunnari.
