Saturday, April 20, 2024
HomeErlentTMZ: UFC lofaði að gera Vegas útgáfu af Mjölni

TMZ: UFC lofaði að gera Vegas útgáfu af Mjölni

Mynd: Kjartan Páll Sæmundsson.
Mynd: Kjartan Páll Sæmundsson.

Slúðurmiðillinn TMZ heldur því fram að UFC hafi lofað Conor McGregor að setja upp Vegas útgáfu af Mjölni í von um að fá hann til Las Vegas í vikunni.

UFC þurfti nauðsynlega að fá Conor McGregor til Las Vegas frá Íslandi til að taka upp kynningarefni fyrir UFC. McGregor neitaði enda vildi hann fremur æfa hér á Íslandi í Mjölni til að undirbúa sig betur fyrir næstu áskoranir.

Hvað er að gerast með UFC og Conor McGregor?

Í von um að sannfæra Conor McGregor bauðst UFC til þess að setja upp Vegas útgáfu af Mjölni. UFC vildi flytja hvern einasta æfingabúnað frá Íslandi til Vegas sem Conor McGregor gæti þurft við æfingar á meðan á kynningartökunum stæði. McGregor átti að auki að vera flogið um á einkaþotu fyrir hvern áfangastað kynningartúrsins.

Samkvæmt heimildum TMZ hefði æfingaaðstaða hans í Vegas verið sett upp nákvæmlega eins og aðstaðan hans hér á Íslandi. Aðstaðan átti að vera tilbúin um leið og McGregor kæmi til Vegas. McGregor gaf sig ekki og kaus að vera áfram hér á Íslandi í Mjölni.

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular