Friday, March 29, 2024
HomeErlentTveir Dong Hyun Kim berjast á laugardaginn

Tveir Dong Hyun Kim berjast á laugardaginn

Dong Hyun Kim
Dong Hyun Kim

Á laugardaginn fer fram fyrsta bardagakvöld UFC í Suður-Kóreu. Stærsta stjarna landsins í MMA, Dong Hyun Kim, berst á bardagakvöldinu sem og hinn óþekkti Dong Hyun Kim.

Það verða því tveir Dong Hyun Kim í eldlínunni á laugardaginn. Báðir berjast þeir í veltivigt og mætti halda að um mistök væri að ræða en svo er ekki.

Sá þekktari Dong Hyun Kim mætir Dominic Waters í veltivigt í næstsíðasta bardaga kvöldsins. Upphaflega átti Kim að mæta Jorge Masvidal en Masvidal berst við Ben Henderson vegna meiðsla Thiago Alves. Dong Hyun Kim er í 7. sæti styrkleikalista UFC og sigraði síðast Josh Burkman á UFC 187.

Sá óþekktari Dong Hyun Kim mætir Dominique Steele einnig í veltivigt en þetta verður fyrsti bardagi laugardagsins. Þetta er frumraun Kim í UFC en hann hefur sigrað 13 bardaga, tapað sex og gert þrjú jafntefli.

Það verður að teljast ansi áhugavert að tveir alnafnar frá Suður-Kóreu skulu báðir berjast í UFC og það á sama bardagakvöldi í sama þyngdarflokki. Vonandi munu þeir þó aldrei mætast í búrinu enda væri það erfitt verk fyrir lýsendur.

Bardagakvöldið á laugardaginn er á góðum tíma hér á Íslandi. Fyrsti bardagi dagsins hefst kl 10 en aðalhluti bardagakvöldsins kl 13. Allir bardagarnir verða í beinni útsendingu á Fight Pass rás UFC.

Dong Hyun Kim
Dong Hyun Kim
Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular