UFC 189 verður bara betra og betra! Bardagi Jeremy Stephens og Dennis Bermudez var frábær skemmtun sem endaði með svakalegu rothöggi.
Báðir náðu þungum höggum inn snemma og náðu að vanka hvorn annan. Stephens fékk snemma skurð eftir að höfuð þeirra skullu saman og blæddi vel úr skurðinum. Þeir skiptust á höggum og náði Bermudez að taka Stephens niður og hélt honum þar um tíma.
Í 2. lotu virtist Stephens vera orðinn vel þreyttur og tók Bermudez yfir bardagann. Hann náði að meiða Stephens í nokkur skipti og virtist vera á leið til sigurs. Eitt rosalegt hné í andlit Bermudez rotaði hann og tókst Stephens að sigra í ótrúlegum bardaga. Þetta er nánast örugglega Fight of the night. Frábær bardagi.
