Fyrstu þremur bardögum kvöldsins á UFC 194 var að ljúka. Court McGee, Yancy Medeiros og Magomed Mustafaev sigruðu sína bardaga.
Fyrsti bardagi kvöldsins var á milli Court McGee og Márcio Alexandre. Þetta var fyrsti bardagi McGee í tvö ár en hann hefur verið frá vegna meiðsla. McGee stjórnaði pressunni og hafði stjórn mest allan bardagann. Alexandre tókst lítið að ógna eftir fyrstu lotuna fyrir utan „guillotine“ hengingu í 2. lotu. McGee sigraði eftir einróma dómaraákvörðun.
Annar bardagi kvöldsins var á milli John Madkessi og Yancy Medeiros. Bardaginn var nokkuð jafn allan tímann og fór bardagann fram standandi. Medeiros tókst að kýla Madkessi niður í lok 3. lotu sem innsiglaði sennilega sigurinn hans. Medeiros sigraði eftir klofna dómaraákvörðun sem ekki allir voru sammála. Jafn bardagi engu að síður.
Þriðji bardaginn var á milli Magomed Mustafaev frá Dagestan og Joe Proctor. Mustafaev var ekki lengi að þessu og kláraði Proctor með tæknilegu rothögg eftir 1:54 í fyrstu lotu. Þessum ættu bardagaðdáendur að fylgjast með. Mjög sannfærandi frammistaða hjá Mustafaev.
