UFC 252 fer fram á laugardaginn í Las Vegas. Þungavigtartitillinn verður í húfi en fyrsti Embedded þátturinn fyrir bardagakvöldið er kominn út.
Í þættinum fáum við að sjá Daniel Cormier taka þrekæfingar í sundlauginni heima hjá sér. Þetta verður síðasti bardagi ferilsins hjá Cormier en hann er þegar búinn að finna nýtt áhugamál og er byrjaður í golfi eins og sést í þættinum.
Sean O’Malley mætir Marlon Vera á laugardaginn en hann æfir í vöruskemmu þessa dagana. Stipe Miocic er með góða æfingaaðstöðu heima hjá sér sem kemur sér vel í heimsfaraldrinum.
