Skemmtilegt bardagakvöld fer fram á laugardaginn í Denver. Í aðalbardaga kvöldsins mætast þær Julianna Pena og Valentina Shevchenko í mikilvægum bardaga.
Aðalbardagi kvöldsins er afar þýðingarmikill fyrir bantamvigt kvenna enda mun sigurvegarinn að öllum líkindum fá næsta titilbardaga gegn Amöndu Nunes.
Bardagakvöldið verður sýnt á Fox sjónvarpsstöðinni og líkt og venjan er fyrir þau bardagakvöld var sérstakur upphitunarþáttur, Road to the Octagon, sýndur í gær. Hann er nú kominn á netið en þar fáum við aðeins að kynnast bardagaköppunum í síðustu þremur bardögum kvöldsins.
Bardagakvöldið fer fram á kunnuglegum slóðum en UFC 1 fór einmitt fram í Denver í nóvember 1993.
https://www.youtube.com/watch?v=ct38v7_Dn50
Kúrekinn skemmtilegi Donald Cerrone mætir Jorge Masvidal í næstsíðasta bardaga kvöldsins.
https://www.youtube.com/watch?v=V69WmzlSf40
Þungavigtarmaðurinn efnilegi Francis Ngannou fær stórt tækifæri á laugardaginn þegar hann mætir gamla brýninu Andrei Arlovski.
https://www.youtube.com/watch?v=CFZjQ2UrWIQ
