UFC heimsótti Idaho í gær og var með fínasta bardagakvöld. Þeir Junior dos Santos og Blagoy Ivanov mættust í aðalbardaga kvöldsins en hér má sjá úrslit kvöldsins.
Junior dos Santos bauð Búlgarann Blagoy Ivanov velkominn í UFC. Dos Santos tók allar loturnar með ágætis frammistöðu en dos Santos lofaði betri frammistöðu næst. Sage Northcutt nældi sér svo í sinn besta sigur í UFC hingað til með því að klára Zak Ottow með rothöggi í 2. lotu. Öll önnur úrslit kvöldsins má sjá hér að neðan.
Aðalhluti bardagakvöldsins:
Þungavigt: Junior dos Santos sigraði Blagoy Ivanov eftir dómaraákvörðun (50-45, 50-45, 50-45).
Veltivigt: Sage Northcutt sigraði Zak Ottow með rothöggi eftir 3:13 í 2. lotu.
Fjaðurvigt: Rick GlennsigraðiDennis Bermudez eftir klofna dómaraákvörðun (29-28, 27-30, 29-28).
Veltivigt: Niko Price sigraði Randy Brown með rothöggi eftir 1:09 í 2. lotu.
Fjaðurvigt: Chad Mendes sigraði Myles Jury með tæknilegu rothöggi eftir 2:52 í 1. lotu.
Bantamvigt kvenna: Cat Zingano sigraði Marion Reneau eftir dómaraákvörðun (30-27, 30-27, 30-26).
Fox Sports 1 upphitunarbardagar:
Bantamvigt: Alejandro Pérez sigraði Eddie Wineland eftir dómaraákvörðun.
Fjaðurvigt: Alexander Volkanovski sigraði Darren Elkins eftir dómaraákvörðun.
Fluguvigt: Said Nurmagomedov sigraði Justin Scoggins eftir klofna dómaraákvörðun.
Fjaðurvigt: Raoni Barcelos sigraði Kurt Holobaugh með rothöggi eftir 1:29 í 3. lotu.
UFC Fight Pass upphitunarbardagar:
Fluguvigt kvenna: Liz Carmouche sigraði Jennifer Maia eftir dómaraákvörðun.
Fluguvigt: Mark De La Rosa sigraði Elias Garcia með uppgjafartaki (rear-naked choke) eftir 2 mínútur í 2. lotu.
Strávigt kvenna: Jessica Aguilar sigraði Jodie Esquibel eftir dómaraákvörðun.
