UFC var með bardagakvöld í Las Vegas í kvöld. Bardagakvöldið var á góðum tíma en hér má sjá úrslit kvöldsins.
Í aðalbardaga kvöldsins mættust þeir Marvin Vettori og Kevin Holland. Vettori átti upphaflega að mæta Darren Till en Till meiddist fyrir um 10 vikum síðan. Í hans stað kom Kevin Holland sem tapaði nýverið fyrir Derek Brunson eftir fimm lotu dómaraákvörðun.
Holland tapaði öllum lotum bardagans og sigraði sá ítalski eftir einróma dómaraákvörðun. Sigurinn var aldrei í hættu hjá Vettori en bardaginn var ekki sá skemmtilegasti. Vettori óskaði eftir titilbardaga eftir sigurinn en hann hefur nú unnið fimm bardaga í röð. Holland hefur aftur á móti tapað níu lotum af síðustu 10 lotum sínum en á síðasta ári vann hann alla fimm bardaga sína.
Aðalhluti bardagakvöldsins:
Millivigt: Marvin Vettori sigraði Kevin Holland eftir dómaraákvörðun (50-44, 50-44, 50-44).
Fjaðurvigt: Arnold Allen sigraði Sodiq Yusuff eftir dómaraákvörðun (29–28, 29–28, 29–28).
Millivigt: Julian Marquez sigraði Sam Alvey með uppgjafartaki (rear-naked choke) eftir 2:07 í 2. lotu.
Strávigt kvenna: Mackenzie Dern sigraði Nina Ansaroff með uppgjafartaki (armbar) eftir 4:48 í 1. lotu.
Veltivigt: Daniel Rodriguez sigraði Mike Perry eftir dómaraákvörðun (30–27, 30–27, 30–26).
ESPN / ESPN+ upphitunarbardagar:
Léttvigt: Joe Solecki sigraði Jim Miller eftir dómaraákvörðun.
Léttvigt: Mateusz Gamrot sigraði Scott Holtzman með rothöggi (punches) eftir 1:22 í 2. lotu.
Hentivigt (156,75 pund): John Makdessi sigraði Ignacio Bahamondes eftir klofna dómaraákvörðun.
Þungavigt: Jarjis Danho sigraði Yorgan De Castro með rothöggi (punch) eftir 3:02 í 1. lotu.
Bantamvigt: Jack Shore sigraði Hunter Azure eftir klofna dómaraákvörðun.
Fjaðurvigt: Luis Saldaña sigraði Jordan Griffin eftir dómaraákvörðun (29–28, 29–28, 29–28).
Léttþungavigt: Da Un Jung sigraði William Knight eftir dómaraákvörðun.
ESPN+ upphitunarbardagar:
Veltivigt: Impa Kasanganay sigraði Sasha Palatnikov með uppgjafartaki (rear-naked choke) eftir 26 sekúndur í 2. lotu.
