Einn besti boxari heims, Vasyl Lomachenko, hefur nú rétt fram hjálparhönd til Conor McGregor. Lomachenko hefur boðist til þess að æfa með Conor til að hjálpa honum að undirbúa sig fyrir boxbardagann gegn Floyd Mayweather.
Hinn 29 ára Vasyl Lomachenko er að margra mati besti boxari heims um þessar mundir. Lomachenko sigraði Miguel Marriaga um síðustu helgi með rothöggi í 7. lotu. Lomachenko setti þessa færslu á Twitter í gær:
. @TheNotoriousMMA need another sparring partner to test your skills against? ?……………….
— Hi-Tech Lomachenko (@VasylLomachenko) August 8, 2017
Ef Conor vantar annan æfingafélaga þarf Conor ekki að gera neitt nema hringja í Lomachenko. Ólíklegt er að af þessu verði en þetta yrði ekki í fyrsta sinn sem Lomachenko æfir með MMA bardagakappa. Lomachenko æfði með fyrrum bantamvigtarmeistaranum T.J. Dillashaw í mars.
Æfingar og æfingafélagar Conor McGregor hafa verið í sviðsljósinu að undanförnu eftir að Paulie Malignaggi yfirgaf æfingabúðirnar í fússi. Boxbardagi Conor gegn Floyd Mayweather fer fram þann 26. ágúst.
