0

Venum kemur í stað Reebok og verður nýr fataframleiðandi UFC

UFC tilkynnti í morgun að Venum verði nýr fataframleiðandi UFC. Reebok hefur framleitt allan fatnað UFC síðan 2015 en nú mun Venum taka við.

Samningurinn tekur gildi í apríl á næsta ári. Reebok samningurinn við UFC hófst árið 2015 og var gríðarlega umdeildur. Í fyrsta sinn máttu bardagamenn bara klæðast fatnaði frá Reebok í búrinu og máttu ekki sýna önnur fatamerki á viðburðum UFC.

Venum mun nú taka við af Reebok sem fataframleiðandi UFC. Allir bardagamenn UFC munu því klæðast fatnaði Venum í búrinu og vikunni fyrir bardagann.

Venum var stofnað árið 2006 og hefur getið af sér gott orð fyrir bardagavörur. Í fyrstu var talið að Nike eða Under Armour myndu koma í stað Reebok og því kemur það nokkuð á óvart að Venum verði fataframleiðandi UFC.

Bardagamenn voru ekki að fá mikið frá Reebok þegar Reebok tók yfir en Venum hefur sagt að þeir ætli að borga bardagamönnum UFC meira fyrir að klæðast vörum Venum í keppni.

Pétur Marinó Jónsson

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.