Leon Edwards mun reyna að verja veltivigtartitil sinn gegn Belal Muhammad og Tom Aspinall mun reyna að verja sinn interim þungavigtartitil gegn Curtis Blaydes í aðalbardögum kvöldsins á UFC 304 í Manchester. Um leið var tilkynnt um Paddy Pimblett vs. Bobby Green.
Leon Edwards stendur frammi fyrir þriðju titilvörn sinni en hann varð meistari með ógleymanlegum sigri sínum á Kamaru Usman í ágúst 2022. Edwards hefur ekki tapað bardaga síðan 2015, í fyrstu af þremur viðureignum sínum gegn Usman. Hann er á 12 bardaga sigurgöngu ef ekki er talið með No Contest dómur vegna augnpots í fyrri bardaga hans gegn Belal Muhammad í mars 2021.
![](https://i0.wp.com/mmafrettir.is/wp-content/uploads/2024/05/436108168_971112511275502_8349862549859951494_n.jpg?resize=696%2C856&ssl=1)
Báðar þessar titilviðureignir eru rematch. Tom Aspinall mætti Curtis Blaydes í júlí 2022 sem gaf honum fyrsta tapið á UFC ferlinum þegar bardaginn milli þeirra var stöðvaður eftir aðeins 15 sekúndur vegna hnémeiðsla Aspinall.
Aspinall kom sterkur tilbaka frá meiðslum í fyrra með öruggum rothöggs sigri á Marcin Tybura í júlí og í nóvember sigraði hann Sergei Pavlovich, einnig með rothöggi, fyrir interim þungavigtarbeltið. Báðir bardagar voru búnir á rétt rúmri mínútu.
Hann hyggst nú verja beltið sitt í fyrsta skipti og ef honum tekst það bíður hans vonandi bardagi við sigurvegara Jon Jones vs. Stipe Miocic fyrir Undisputed UFC gull.
![](https://i0.wp.com/mmafrettir.is/wp-content/uploads/2024/05/436692540_1007311991117042_7977850029158537512_n.jpg?resize=696%2C858&ssl=1)
![](https://i0.wp.com/mmafrettir.is/wp-content/uploads/2024/05/436692540_1007311991117042_7977850029158537512_n.jpg?resize=696%2C858&ssl=1)
Við fengum svo loks á hreint hver verður næsti andstæðingur Paddy “the Baddy” Pimblett. Það verður Bobby “King” Green sem barðist á UFC 300 þar sem hann sigraði gamla brýnið Jim Miller á einróma dómaraákvörðun en Green hefur með því unnið 3 af síðustu 4.
Paddy Pimblett er á góðri 7 bardaga sigurgöngu og hefur unnið alla 5 UFC bardagana sína.
![](https://i0.wp.com/mmafrettir.is/wp-content/uploads/2024/05/436078421_1186304102530589_3609388000388120114_n.jpg?resize=696%2C850&ssl=1)
![](https://i0.wp.com/mmafrettir.is/wp-content/uploads/2024/05/436078421_1186304102530589_3609388000388120114_n.jpg?resize=696%2C850&ssl=1)
Aðrir staðfestir bardagar á viðburðinum eru:
Arnold Allen vs. Giga Chikadze
Muhammad Mokaev vs. Manel Kape
Nathaniel Wood vs. Daniel Pineda
Shauna Bannon vs. Ravena Oliveira
Molly McCann vs. Bruna Brasil