Tuesday, June 18, 2024
spot_img
HomeErlentAlexander Gustafsson fer upp í þungavigt og mætir Fabricio Werdum

Alexander Gustafsson fer upp í þungavigt og mætir Fabricio Werdum

Mynd: MMA Viking.

Alexander Gustafsson ætlar greinilega að taka hanskana af hillunni. Gustafsson mætir Fabricio Werdum í júlí og það í þungavigt.

Alexander Gustafsson var lengi vel einn af bestu bardagamönnum léttþungavigtarinnar. Svíinn fékk þrjá titilbardaga í UFC en mistókst í öll skiptin að ná titlinum.

Eftir tap gegn Anthony Smith á heimavelli fyrir rúmu ári síðan ákvað Gustafsson að hætta. Gustafsson er 33 ára gamall og er greinilega ekki hættur. Gustafsson ætlar upp í þungavigt og verður frumraun hans þar gegn Fabricio Werdum. Bardaginn fer fram þann 25. júlí á bardagaeyju UFC.

Werdum barðist síðast í maí þegar hann tapaði fyrir Aleksei Oleinik eftir dómaraákvörðun. Það var fyrsti bardagi Werdum eftir tveggja ára keppnisbann eftir fall á lyfjaprófi.

UFC er að setja saman stórt bardagakvöld þann 25. júlí. Þetta er þriðji bardaginn sem er settur saman á bardagakvöldið en aðrir bardagar sem sagðir eru vera á kvöldinu er viðureign Robert Whittaker og Darren Till og bardagi Antonio ‘Lil Nog’ Nogueira gegn Mauricio ‘Shogun’ Rua.

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular