Vigtuninni fyrir UFC bardagakvöldið á morgun var að ljúka. Gunnar Nelson og andstæðingur hans, Albert Tumenov, náðu tilsettri þyngd.
Eftir vigtunina í dag er fátt sem kemur í veg fyrir bardagann á morgun. Bæði Gunnar og Tumenov voru 170 pund á vigtinni í dag eða 77 kg.
Allir bardagamenn morgundagsins náðu tilsettri þyngd og fara því 13 bardagar fram á morgun nema stórslys eigi sér stað.
Þeir Andrei Arlovski og Alistair Overeem mætast í aðalbardaganum en Arlovski var 112,5 kg og Overeem tæp 111 kg.
Þungavigtartakmarkið eru 266 pund eða 120,6 kg og reyndist Antonio „Bigfoot“ Silva vera akkúrat í þungavigtartakmarkinu. Andstæðingur hans, Stefan Struve, var einu pundi léttari eða 120,2 kg. Stórir strákar berjast á morgun.
Vigtunina í heild sinni má sjá hér að neðan:
