Angela Hill berst um helgina en hún hefur verið afar dugleg að berjast síðustu mánuði.
Angela Hill mætir Loma Lookboonme í strávigt kvenna á UFC bardagakvöldinu í Ástralíu um helgina. Hill barðist síðast þann 25. janúar og eru því aðeins fjórar vikur á milli bardaga hjá henni.
Hill sigraði Hanna Cifers með tæknilegu rothöggi í 2. lotu á UFC bardagakvöldinu í Raleigh þann 25. janúar. Tveimur vikum eftir bardagann fékk hún aftur símtal frá UFC eftir að upprunalegi andstæðingur Lookboonme meiddist. Hill var ekki lengi að samþykkja bardagann.
Hill hefur verið mjög dugleg að berjast undanfarið en bardaginn á laugardaginn verður hennar sjötti á síðustu 10 mánuðum. Hill var dugleg að berjast í fyrra en hún barðist í mars, apríl, júní og september. Nú tekur hún sinn annan bardaga á þessu ári um helgina.
