Þeir Nate Diaz og Leon Edwards áttu að mætast á UFC 262 í maí. Vegna meiðsla Nate Diaz hefur bardaginn verið færður um mánuð.
Bardaginn átti að fara fram þann 15. maí og vera næstsíðasti bardagi kvöldsins en samt fimm lotur. Nate Diaz er að glíma við meiðsli og getur ekki barist þann 15. maí og hefur bardaganum því verið frestað til 12. júní.
UFC 263 fer fram þá og eru þegar tveir titilbardagar staðfestir á kvöldið. Israel Adesanya mætir Marvin Vettori um millivigtartitilinn og Deiveson Figueiredo mætir Brandon Moreno um fluguvigtartitilinn. Viðbót Diaz og Edwards gerir því bardagakvöldið enn stærra.
UFC 263 fer fram í Arizona fyrir framan fulla höll af áhorfendum.
