Bellator 253 er í kvöld og verður í beinni útsendingu á Youtube. Aðalbardagi kvöldsins er mikilvægur bardagi í fjaðurvigtarmóti Bellator.
16-manna fjaðurvigtarmót Bellator hefur gengið virkilega vel. Í kvöld verður fyrri undanúrslitabardagi mótsins þar sem þeir AJ McKee og Darrion Caldwell mætast.
McKee er ein af upprennandi stjörnum Bellator og hefur svo sannarlega staðið undir væntingum. Hann er 16-0 á ferli sínum í MMA en allir atvinnubardagarnir hans hafa verið í Bellator. Caldwell er fyrrum bantamvigtarmeistari Bellator og verður stærsta prófraun McKee til þessa.
Fyrsti bardagi kvöldsins hefst kl. 21:45 en aðalhluti bardagakvöldsins á miðnætti. Alla bardagana er hægt að sjá í beinni á Youtube rás Bellator.
Aðalhluti bardagakvöldsins (hefst á miðnætti):
Fjaðurvigt: Darrion Caldwell gegn A.J. McKee
Veltivigt: Benson Henderson gegn Jason Jackson
Veltivigt: Joey Davis gegn Bobby Lee
Bantamvigt: Keith Lee gegn Raufeon Stots
Upphitunarbardagar (hefjast kl. 21:45)
Fjaðurvigt: Jeremy Kennedy gegn Matt Bessette
Léttvigt: Kevin Ferguson Jr. gegn Kaheem Murray
Veltivigt: Jaleel Willis gegn Mark Lemminger
Fjaðurvigt: Jay Jay Wilson gegn Sergio de Bari
Léttþungavigt: Sullivan Cauley gegn Jason Markland
