Bellator 252 fór fram í nótt. Í aðalbardaga kvöldsins mættust þeir Patricio ‘Pitbull’ Freire og Pedro Carvalho.
Bardaginn var í 8-manna úrslitum fjaðurvigtarmóts Bellator. Pitbull er ríkjandi meistari og eru því allir bardagar hans í mótinu upp á fjaðurvigtarbeltið.
Pitbull var ekki í miklum vandræðum með Carvalho. Pitbull kýldi hann niður snemma en Carvalho tókst að koma sér fljótt upp. Það leið þó ekki á löngu þar til Pitbull kýldi Carvalho aftur niður og stöðvaði dómarinn bardagann eftir 2:10 í 1. lotu.
Pitbull fer því áfram í undanúrslit mótsins og mætir Emmanuel Sanchez. Sanchez sigraði Daniel Weichel eftir dómaraákvörðun fyrr á kvöldinu og var verðskuldaður sigurvegari. Sanchez var nálægt því að klára Weichel í 2. lotu með þungum skrokkhöggum en Weichel tókst að lifa af.
Sanchez og Pitubll mættust um titilinn árið 2018 þar sem Pitbull sigraði eftir dómaraákvörðun og munu þeir því mætast aftur á næsta ári. Í næstu viku fara fram fyrri undanúrslitin þar sem þeir Darrion Caldwell og A.J. McKee mætast.
Flottustu tilþrif kvöldsins átti hins vegar Aaron Pico. Pico kláraði John de Jesus með rothöggi í 2. lotu eins og sjá má hér að neðan.
AARON PICO WITH AN ABSOLUTE BOMB OF A RIGHT HAND #Bellator252 pic.twitter.com/yrHamBDNtn
— Spinnin Backfist (@SpinninBackfist) November 12, 2020
Aðalhluti bardagakvöldsins:
Fjaðurvigt: Patricio Freire sigraði Pedro Carvalho með rothöggi (punch) eftir 2:10 í 1. lotu.
Veltivigt: Yaroslav Amosov sigraði Logan Storley eftir klofna dómaraákvörðun (29-28, 28-29, 29-28).
Fjaðurvigt: Emmanuel Sanchez sigraði Daniel Weichel eftir dómaraákvörðun (48-46, 49-46, 49-45).
Upphitunarbardagarnir eru síðan hér:
