Bellator 144 fór fram í gær. Michael ‘Venom’ Page nældi sér í sinn níunda sigur á ferlinum og nýr millivigtarmeistari leit dagsins ljós.
Í aðalbardaga kvöldsins mættust þeir Brandon Halsey og Rafael Carvalho um millivigtartitil Bellator. Fyrir bardagann var millivigtarmeistarinn Brandon Halsey ósigraður og mun sigurstranglegri. Carvalho hafði fyrir bardagann unnið 11 bardaga í röð og bætti sínum 12. við í gær með þessu sparki hér.
Miðað við stuðlana eru þetta einhver óvæntustu úrslit ársins en stuðullinn á sigur Carvalho var í kringum 8 á meðan stuðullinn á sigur Halsey var 1.09!
Michael Page sigraði Charles Ontiveros í gær með tæknilegu rothöggi í fyrstu lotu. Þetta var níundi sigur hans á ferlinum og sá sjötti eftir rothögg. Hann er enn ósigraður og verður að fá erfiðari andstæðinga en Ontiveros. Page kjálkabraut Ontiveros með þessum olnbogum og gafst Ontiveros munnlega upp.
