0

Bestu bardagar helgarinnar – UFC FN: Blaydes vs. Lewis

UFCFight Night: Blaydes vs. Lewisfer fram annað kvöld þar sem þeir Curtis Blaydesog Derrick Lewismætast í aðalbardaga kvöldsins. Hér förum við aðeins yfir bestu og áhugaverðustu bardaga helgarinnar.

Curtis Blaydes gegn Derrick Lewis

Hér mætast stálin stinn í þungavigtinni þar sem tveir af þeim bardagamönnum í þyngdarflokknum sem banka á dyrnar á toppnum. Þessi bardagi átti að vera í nóvember, en frestaðist þar sem Blaydes fékk Covid-19.

Blaydes virðist vinna alla sem heita ekki Francis Ngannou og er kominn mjög nálgæt titilbardaga með sigri hér. Á meðan Lewis er búinn að sigra þrjá bardaga í röð og þetta er í raun bardagi um það hver er næsti áskorandi í titilbardaga þegar Miococ og Ngannou mætast. 

Hér ætti Blaydes að ná að þreyta Lewis með glímunni, en þolið hefur verið akkilesarhæll Lewis í UFC ásamt þrálátum bakmeiðslum. Það má hins vegar ekki gleyma því að Lewis gæti rotað alla í þungavigtinni inn í aðra vídd þegar hann lendir hægri hendinni, sem gæti gerst hvenær sem er. 

Ketlan Vieira gegn Yana Kunitskaya

Hér er áhugaverður bardaga í bantamvigt kvenna. Vieira er nýbúin að sigra Sijara Eubanks á meðan Kunitskaya er búin að vinna þrjá bardaga af síðustu fjórum eftir tapið gegn Cris Cyborg. Gæti gefið vísbendingar hvernig efstu sætin á styrkleikalistanum í þessum þyngdarflokki raðast eftir helgina

Alexei Oleinik gegn Chris Daukas 

Oleinik er að berjast í sínum 75. bardaga á ferlinum, en hann er orðinn 43 ára og á ekki mikið eftir. Hann hefur samt sigrað menn eins og Mark Hunt, Fabricio Werdum og Maurice Greene í síðustu bardögum sínum en á slæm töp líka. Hann gæti bætt metið sitt yfir flest „Ezekiel chokes“ í sögu UFC, en þar á hann metið einn, en þau eru tvö talsins. Hann er opinn fyrir höggum og á þessum aldri eru menn líklegri til að falla undan höggum en fyrr á ferlinum. Hér gæti Chris Daukas átt séns. 

Arnþór Daði Guðmundsson

Leave a Reply

This site uses Akismet to reduce spam. Learn how your comment data is processed.