Dómarinn ‘Big’ John McCarthy var gestur í The MMA Junkie Radio í gær. Þar fór hann vel yfir hvað gerðist og hvað fór úrskeiðis í bardaga Chris Weidman og Gegard Mousasi.
Bardagi Chris Weidman og Gegard Mousasi á UFC 210 var ansi sérstakur. Weidman fékk tvö hnéspörk í höfuðið í 2. lotu og taldi dómarinn þau vera ólögleg. Hann gerði því hlé á bardaganum en þegar betur var að gáð voru höggin lögleg. Læknar kíktu á Chris Weidman og sögðu hann vera ófæran um að keppa.
Mousasi var því úrskurðaður sigurvegari og var Chris Weidman gríðarlega ósáttur með þá niðurstöðu. Weidman ætlar að áfrýja en McCarthy telur ekki miklar líkur á að það skili árangri.
