Það getur verið erfitt að þekkja tvíburabæður í sundur. Antonio ‘Big Nog’ Nogueira tilkynnti í dag að hann væri hættur í MMA og í kjölfarið birti Dana White mynd á Twitter af tvíburabróður hans.
Tvíburarnir Antonio ‘Big Nog’ Nogueira og Antonio ‘Lil Nog’ Nogueira hafa báðir barist í UFC við góðan orðstír. Þeir eru 39 ára gamlir og barðist annar þeirra (Big Nog) í þungavigt á meðan hinn berst í léttþungavigt (Lil Nog).
Big Nog tilkynnti í dag að hann væri hættur í MMA enda löngu kominn af léttasta skeiði. Dana White (eða sá sem sér um Twitter aðganginn hans) hefur ruglast á tvíburabræðrunum því hann birti mynd af Lil Nog er hann kastaði kveðju á Big Nog.
Tvíburabræðurnir eru auðvitað nauðalíkir en Lil Nog er með húðflúr á vinstri brjóstkassanum sem aðgreinir þá. Nogueira bróðurinn á myndinni er einmitt með húðflúr á brjóstkassanum en slíkt er Big Nog ekki með.
Myndinni af Lil Nog var skömmu síðar eytt af Twitter aðgangi Dana White og ný mynd af réttum Nogueira birt.
