UFC staðfesti tvær risafréttir í gær. Auk þess að staðfesta bardaga McGregor og Nate Diaz á UFC 202 tilkynnti UFC að tröllið Brock Lesnar muni snúa aftur á UFC 200.
UFC frumsýndi flotta kynningu á UFC 200 bardagakvöldinu í júlí í UFC 199 útsendingunni. Í lok kynningarinnar mátti sjá Brock Lesnar undir frægum ummælum hans. UFC staðfesti skömmu síðar að Brock Lesnar muni snúa aftur í MMA á UFC 200.
Brock Lesnar (5-3) var þungavigtarmeistari UFC frá 2008 til 2010 en eftir tap gegn Alistair Overeem í desember 2011 ákvað hann að hætta í MMA. Lesnar glímdi við meltingarveiki (diverticulitis) á meðan hann var meistari og fannst hann aldrei ná sér að fullu eftir veikindin og ákvað því að hætta.
Sjá einnig: Goðsögnin – Brock Lesnar
Lesnar snéri því aftur í fjölbragðaglímuna þar sem hann gerði garðinn frægan áður fyrr en nú þegar hann er alfarið laus við veikindin ætlar hann að snúa aftur í MMA. Hann mun berjast á UFC 200 en enginn andstæðingur hefur verið nefndur fyrir Lesnar. Að sögn Dave Sholler, fjölmiðlafulltrúa UFC, mun meira koma í ljós á næstu 48 tímum.
Lesnar var ein besta söluvara UFC frá upphafi og sannkölluð gullkýr. Hann átti stuttan en árangursríkan feril í MMA og mun nú reyna að ná fyrri hæðum.
Þess má geta að Mark Hunt var sagt að vera tilbúinn fyrir UFC 200 af Dana White. Í fyrstu var talið að eini þungavigtarbardagi kvöldsins á þeim tíma, Travis Browne gegn Cain Velasquez, væri í hættu vegna meiðsla og var talið að Hunt kæmi í stað Browne eða Velasquez. Gæti Hunt verið andstæðingur Brock Lensar á UFC 200?
Dana White þvertekur fyrir það samt?