Cain Velasquez ætlar að taka sér inn tíma áður en hann snýr aftur í búrið. Cain Velasquez er enn einu sinni að jafna sig á meiðslum en býst við að berjast fljótlega á næsta ári.
Cain Velasquez hefur ekkert barist frá því í júlí 2016 og mun hann ekkert berjast á þessu ári ef marka má viðtal hans við Ariel Helwani.
Cain átti að mæta Fabricio Werdum á UFC 207 í desember í fyrra en nokkrum dögum fyrir bardagann greindi Cain frá því að hann gæti ekki staðið uppréttur lengur en í 15 mínútur í senn. Íþróttasambandið bannaði honum því að keppa og gekkst Cain undir aðgerð á baki skömmu síðar.
Cain ætlar ekkert að flýta sér að snúa aftur og stefnir á bardaga á næsta ári. Þrátt fyrir öll meiðslin er hann ekki hættur en vonandi líður ekki á löngu þar til við fáum að sjá þennan frábæra bardagamann aftur í búrinu.
