MMA Fighting hefur heimildir fyrir því að Chris Weidman sé meiddur og geti ekki barist á UFC 199. UFC leitar nú að staðgengli í hans stað.
UFC 199 fer fram þann 4. júní og er tíminn því knappur. Þeir Chris Weidman og Luke Rockhold áttu að mætast aftur í endurati (e. rematch) en nú getur fyrrum millivigtarmeistarinn ekki barist. Ekki er vitað um alvarleika meiðslanna en þetta er ekki í fyrsta sinn sem Weidman hefur þurft að draga sig úr bardaga.
Ronaldo ‘Jacare’ Souza sigraði Vitor Belfort með miklum yfirburðum um helgina og gæti hann komið í stað Weidman og fengið titilbardagann sem hann hefur óskað eftir. Þá hefur Michael Bisping gefið það út að hann væri tilbúinn að koma í stað Weidman.
Rockhold hefur sigrað bæði Jacare og Bisping áður. Rockhold tók Strikeforce beltið af Jacare á sínum tíma eftir dómaraákvörðun. Hann kláraði svo Bisping með hengingu í 1. lotu árið 2014.
UFC 199 fer fram í Kaliforníu og ríkir mikil spenna fyrir bardagakvöldið. Dominick Cruz og Urijah Faber mætast einnig þetta kvöld og vonandi fær Luke Rockhold nýjan anstæðing í tæka tíð.
