Colby Covington mætir Rafael dos Anjos á UFC 225 um helgina. Í nýlegu viðtali var Colby beðinn um að segja sína skoðun á topp 15 bardagamönnunum í veltivigtinni.
Colby Covington hefur hlotið mikla athygli á undanförnum árum fyrir að drulla yfir mögulega andstæðinga sína. Hann skafaði ekki af því þegar MMA Motion fékk hann til að segja sína skoðun á öllum topp 15 bardagamönnunum í veltivigt UFC.
Covington talar illa um alla nema Dong Hyun Kim og Robbie Lawler. Covington kallar Gunna áhugamann eða „amateur“ og þá neitar hann að tjá sig um Santiago Ponzinibbio enda æfa þeir saman hjá American Top Team. Covington talar svo auðvitað ekki illa um sinn besta vin, Jorge Masvidal. Aðrir fá það óþvegið eins og sjá má hér.
