Enn sem komið er hefur UFC ekki staðfest bardaga Conor McGregor og Nate Diaz á UFC 200. Fregnir herma að bardaginn verði staðfestur sem aðalbardaginn á UFC 200 í vikunni.
Ariel Helwani var sá fyrsti til að greina frá áætluðum bardaga Conor McGregor og Nate Diaz á UFC 200. Kapparnir mættust fyrst fyrir rúmum tveimur vikum síðan en þá fór Diaz með sigur af hólmi eftir hengingu í 2. lotu. Gríðarlega margir horfðu á bardagann og á UFC 196 og ætlar UFC því að endurtaka leikinn en margir harðkjarna aðdáendur eru afar ósáttir með þá ákvörðun UFC.
Bardaginn mun þó ekki fara fram í léttvigt heldur í veltivigt rétt eins og fyrri bardaginn. Í þætti sínum í gær, The MMA Hour, greindi Helwani betur frá bardaganum. „Conor McGregor er villtur maður og þess vegna fer bardaginn fram í veltivigt. Hann er heltekinn af þeirri hugmynd að hann hafi tapað fyrir Nate Diaz í veltivigt. Að hans mati hefði hann átt að vinna og hann vill sömu aðstæður, sömu reglur og sömu skilmála í seinni bardaganum. Hann vill gera þetta aftur og vill sanna að hann sé betri bardagamaður,“ sagði Helwani í gær.
Hann verður þá að bæta úthaldið ef að hann ætlar að sigra Nate sem hefur sjálfur mjög gott úthald. Eins og hefur komið marg oft í ljós er að cardio is king og við sáum það nú um síðustu helgi þegar að Magny vann Lombard.