Conor hitti 111 höggum í Floyd Mayweather

Conor McGregor vegnaði betur gegn Floyd Mayweather í gær en margir höfðu spáð. Hann náði 111 höggum inn fyrir vörn Floyd Mayweather og var það talsvert betra en til að mynda Manny Pacquiao gerði gegn Floyd.

Boxsérfræðingar eins og Max Kellerman létu hafa eftir sér fyrir bardagann að Conor myndi ekki lenda einu höggi gegn Floyd. Conor náði aftur á móti að lenda 111 höggum sínum af 430 á meðan Floyd náði 170 af 320 höggum samkvæmt BoxingScene. Conor var því að lenda 26% högga sinna á meðan Floyd var að hitta 53% högga sinna.

Í síðustu 14 bardögum Floyd hafa andstæðingar hans náð að meðaltali 18% högga sinna á meðan Floyd hefur verið að ná 44% högga sinna.

Hér höfum við tekið saman fjölda högga sem síðustu 14 andstæðingarnir Floyd hafa náð gegn honum.

Þetta var fyrsti sigur Floyd eftir rothögg síðan 2011 og var það eflaust kærkomið fyrir aðdáendur Floyd. Conor náði mörgum höggum inn og gerði eflaust betur en fyrirfram var talið þrátt fyrir rothöggið.