Sunday, May 19, 2024
HomeForsíðaConor McGregor mætir Cole Miller í Dublin í júlí

Conor McGregor mætir Cole Miller í Dublin í júlí

Hinn írski Conor McGregor mun mæta Bandaríkjamanninum Cole Miller í Dublin þann 19. júlí. Miller og McGregor áttu í orðaskiptum á Twitter fyrr í vetur og ætla þeir að útlkjá málin í búrinu í sumar.

Þessir tveir hafa eldað grátt silfur um nokkuð skeið en eftir UFC Fight Night 30 í Manchester gagnrýndi Miller evrópska bardagakappa og sagði markmið sitt nú vera að sigra sem flesta Evrópumenn. Miller kallaði McGregor “Colin McGoober” og sagði það óþolandi að menn eins og Conor fengju svona mikla athygli eftir aðeins tvo bardaga í UFC á meðan hann sjálfur væri búinn að þræla sér út í sjö ár í samtökunum.

Cole Miller hefur unnið síðustu tvo bardaga sína, gegn Andy Ogle og Sam Sicilia, á meðan McGregor er ósigraður í síðustu tíu. Cole Miller er hins vegar reynslubolti sem hefur barist 16 sinnum í UFC og því nokkuð víst að þetta verður stærsta áskorun Conor McGregor í UFC hingað til. McGregor hefur verið meiddur síðan í ágúst á síðasta ári og mun bardaginn því marka endurkomu hans í búrið, en hann mun hafa verið frá keppni í næstum ár þegar hann mætir Miller.

McGregor er æfingafélagi Gunnars Nelson en Gunnar hefur einnig lýst yfir áhuga á því að berjast í Dublin. Það stefnir því í ansi góðan viðburð ef bæði Conor og Gunnar myndu fá að keppa á sama kvöldi. Áður en bardaginn verður staðfestur þarf McGregor að fá heimild frá læknum sínum í Los Angeles að hann sé tilbúinn til þess að hefja æfingar á fullu.

Guttormur Árni Ársælsson
Guttormur Árni Ársælsson
-Pistlahöfundur -Fjólublátt belti í BJJ -Lýsi UFC á Viaplay þegar Pétur hefur eitthvað merkilegra að gera
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular