Bardagamenn berjast nú um að fá að þagga niður í hinum sítalandi Conor McGregor. Íslandsvinurinn tekst á við svartbeltinginn Cole Miller þann 19. júlí en með sigri þar berst hann við Dustin Poirier.
UFC Fight Night: Dublin fer fram 19. júlí en í aðalbardaga kvöldsins berst Conor McGregor við Cole Miller. Sama kvöld mætir Gunnar Nelson Ryan LaFlare í næstsíðasta bardaga kvöldsins. UFC hefur nú beðið Dustin Poirer að bíða og sjá hvernig bardaginn gegn Miller fer en ef McGregor sigrar þá mun hann verða næsti andstæðingur Poirier. Ef Miller sigrar mun hann ekki berjast við hann þar sem þeir æfa saman hjá American Top Team.
Poirer hefur sigrað seinustu þrjá bardaga og seinustu tveir hafa endað með rothöggum. Þar á undan tapaði hann gegn Cub Swanson. Ef bardaginn verður að veruleika mun sigurvegarinn fá titilbardaga að sögn UFC.
